鳳嬌姆仔的彼擔米粉炒
歌手:王俊傑
專輯:幸福佇佗找
2012-06-25|台語音樂
歌手推薦
歌詞

鳳嬌姆仔的彼擔米粉炒

詞曲/編曲:王俊傑
樂器編制:爵士鼓/林美文、貝斯/郭謙成、吉他/楊邦昊、鋼琴/王俊傑、簫/許宗榮、絃樂團/郭淑儀、黃芷唯、蕭景雲、蕭寶羚
(2010年新聞局母語原創大賽河洛組首獎作品)

伊孤孤單單單單一個人
踮佇市場角仔排一擔米粉炒
出入內外的人攏會聽著伊親切的叫聲
先生小姐囝仔兄遮坐欲愛啥?
無看見有人佮伊作伴
毋怎知影伊的身世是按怎
只有一隻跛腳的烏狗佮伊來作伴
一碗四神湯一盤米粉炒
數十年來好天落雨攏佇遮
一碗四神湯一盤米粉炒
阮攏叫伊鳳嬌姆仔

鳳嬌姆仔咧唸歌較唸嘛是彼首歌
鳳嬌姆仔愛唸歌較唸嘛是唸袂煞
伊講自古紅顏多薄命紅顏多薄命 (本段重複)

鳳嬌姆仔彼擔米粉炒炒著無仝款人客的運命
鳳嬌姆仔彼擔米粉炒炒著毋知影名的烏狗兄
鳳嬌姆仔彼擔米粉炒炒著歲月流轉的變化
鳳嬌姆仔彼擔米粉炒炒著伊已經變白的頭鬃
鳳嬌姆仔彼擔米粉炒炒著市場內外的喝聲
鳳嬌姆仔彼擔米粉炒炒著怹囝佇籠仔內的哭聲 (本段重複)

伊的故事阮到大漢才知影
伊自細予人做養女
大漢為著家庭去做酒家女
無疑故熟識彼個烏狗兄生一個囝
現在予人判無期徒佇籠仔內咧算日頭影