老厝邊 - 陳冠宇
歌手:群星
專輯:2017-2018南面而歌【南風起】新世代台語歌原創歌曲作品輯
2018-08-20|國語音樂
歌手推薦
歌詞

老厝邊 - 陳冠宇

廟內生日的王爺 鬧熱的炮仔聲
規桌大魚大肉佮金紙 我對細漢看到大
蹛附近的厝邊隔壁 有的日本時代就佇遮
經過幾若年仔的拍拚 真無簡單才有地蹛

怹從來毋捌想過有一工愛離開遮 離開遮
但財團政府講土地就是啥人先登記啥人先贏

再會我的老厝邊 離開嘛是不得已
鬥陣日子 所有的酸苦甘甜 攏是情義
再會 我的老厝邊 有緣來日再相見
希望著你好好照顧你家己 一切攏順心如意

隔壁較早是檳榔擔 這馬換做咧賣衫 (閣賣過跤踏車)
風景雖然漸漸咧變化 逐家猶原攏佇遮

阮從來毋捌想過有一工愛離開遮 離開遮
喝徙就徙 喝拆就拆 就算無奈嘛無較縒

再會我的老厝邊 離開嘛是不得已
鬥陣日子 所有的酸苦甘甜 攏是情
再會我的老厝邊 有緣來日再相見
希望著你好好照顧你家己 一切攏順心如意